3. liga
En 3. liga ha l'US Schluein Glion gudagnà la partida cunter l'FC Flums cun 3:1. Ils Sursilvans èn sin plaz dus da la tabella. A la testa è l'FC Schaan cun in avantatg da 12 puncts.
Il CB Trun/Rabius n'ha betg pudì rimnar puncts a Bogn Ragaz. La fin è il resultat stà 2:1 per Bogn Ragaz. Cun quai resta Trun/Rabius sin il 10avel plaz da la tabella en la terza liga regiunala, cun 7 puncts distanza sin ils plaz da relegaziun.
2. liga interregiunala
En la segunda liga interregiunala perda Cuira 97 ordaifer 2:1 cunter Rapperswil-Jona, che sa chatta sin la penultima plazza da la tabella. Cuira resta uschia sin la sisavla plazza da la tabella.
2. liga regiunala
En la 2. liga regiunala ha Valposchiavo Calcio fatg ordaifer in pari da 2:2 cunter Vaduz. En la tabella han ils Puschlavins stuì far il pass davent da l'otgavel enavos sin il 9avel plaz.
Domat ha gudagnà la partida cunter l'FC Abtwil-Engelburg cun 1:0. Domat è sin il quart plaz da la tabella.