L'equipa naziunala da hockey da la Svizra ha era gudagnà il segund gieu da test encunter la Frantscha da questa fin d'emna. Suenter il 2:0 il venderdi, hai dà la sonda in 3:2. Cun questas duas victorias han ils Svizzers rut la seria naira da terradas. Avant ils dus gieus da questa fin d'emna aveva la naziunala svizra pers 13 gieus en fila.
La sonda saira manava la Frantscha cun 2:0. La fin finala ha dentant Tobias Geisser sajettà il gol decisiv en favur da la Svizra en la prolungaziun, suenter 62:18 minutas temp da gieu.