La platta da marmel destruida è vegnida rescuverta il 1950 tar ina baselgia en l'Austria ch'è vegnida construida avant passa 1500 onns. Da la baselgia restan mo pli quatter pilasters.
Perquai ch'il n'è betg uschè simpel da metter ensemen ils 100 tocs da crappa èn quels vegnids fotografads da tuttas varts e digitalisads. Sin ina pagina d'internet po mintgin e mintgina empruvar ses cletg senza as registrar u pajar insatge. Cun agid dad in algoritmus dat il computer tips tgenins tocs che pudessan ir ensemen, ma sulet na riva il computer betg da schliar la cumbinella. Uschia che quai è in exempel da collavuraziun da computer e uman. I dat er gia emprims success dal project che ha cumenzà il 2023 e va anc vinavant. Tgi che vul far in'emprova: simplamain googlar «Universität Graz, Puzzle.»