Il film «Bon Schuur Ticino» e la seria «Davos 1917» èn las meglras producziuns svizras da l’onn passà. A questa conclusiun vegn la giuria dal «Prix Walo» ch’ha surdà sonda saira ses premis a Turitg. Il premi d’onur ha survegnì l'actur Walter Andreas Müller per sia ovra da vita. Il premi dal public prestigius ha survegnì la moderatura Mona Vetsch.
Il «Prix Walo» è la distincziun la pli auta dal showbusiness en Svizra. El è vegnì surdà per la 48avla giada – e quai en 10 categorias.
