Ensemen cun l’Universitad da San Galla han ins analisà las fermezzas e deblezzas da la destinaziun turistica. Ins prevesa trais mesiras per adattar a la strategia turistica existenta.
Prolungar las stagiuns
L’atun cun sias calours è ordvart attractiv ed era la primavaira cur che tut cumenza a crescher, ma ils turists èn gia a chasa. Ensemen culs partenaris sco per exempel las butias ed hotels ins vul prolungar las stagiuns e procurar che giasts visitian gista quel temp la regiun Engiadina, Samignun o Val Müstair.
Profitar in da l’auter
La finamira da questa mesira è d’unir meglier las trais regiuns turisticas tuttafatg multifaras. Samignun duess far reclama era per Scuol e la Val Müstair. Il giast da Zernez duess per exempel era avair ina buna survista da Samignun. La destinaziun duess sa preschentar sco unitad e betg sco trais regiuns.
Events valan per tuts
Avair ina survista dals events e dentant difficil, uschè il co-directur Bernhard Aeschbacher. En avegnir ins prevesa da coordinar meglier quella purschida per preschentar als giasts ina survista sut tut la destinaziun da la Val Müstair, Zernez, Scuol enfin Samignun.
La strategia turistica vegn adattada regularmain mintga quatter onns.
Quatter novs en il cussegl administrativ
Il president Ludwig Jenal ensemn cun ils commembers Kurt Baumgartner, Victor Peer e Mario Jenal bandunan il cussegl administrativ. Per els en vegnids elegids da nov, il president communal da Samignun Daniel Högger, il directur da las pendicularas Samignun Viktor Prinz e Martin Valsecchi da Samignun. Per Scuol aintra Renè Stoye, il CEO da la «Belvedere Hotel Familie», plinavant il vicepresident communal da Valsot Fadri Riatsch.
