Fin la fin da matg na datti nagina colliaziun da tren tranter Cuira ed Arosa. La raschun: la Viafier retica sto remplazzar il viaduct da Castiel cun in nov. E per gliez sto la veglia punt, che è vegnida bajegiada en sia furma oriunda avant 110 onns, emprim ina giada davent – e quai è vegni fatg sin moda spectaculara.
Sguard enavos
La punt na ha pli tegnì ora il squitsch da la spunda. Cun stgars 2 cm l’onn ha quai chaschunà sfessas en la construcziun d’atschal ed ina reparatura n’è betg pli stada pussaivla. Uschia ch’i ha duvrà ina nova punt.
I ha dà duas grondas sfidas: Ils trens stuevan pudair circular durant las lavurs da construcziun ed il lieu da lavur è stà fitg stretg, senz’in access d’ina via. Per che la nova punt che custa 13 milliuns na haja suenter paucs decennis puspè il medem destin, ans po adattar sia lunghezza per in meter e mez en il decurs dal temp ed ella n’ha betg pli pilasters che fissan en terrain instabil.
